ಸುದ್ದಿ

ಕ್ರೀಡಾಕೂಟದ ಬಗ್ಗೆ ಮಾಜಿ ಸಚಿವರ ಮತ್ತು ಗ್ರಾಪಂ ಸದಸ್ಯರ ಹೇಳಿಕೆ ಏನು ಗೊತ್ತಾ?

ಸುದ್ದಿಲೈವ್.ಕಾಂ/ಶಿವಮೊಗ್ಗ

ಪಂಚಾಯಿತಿ ಕ್ರೀಡೋತ್ಸವದಲ್ಲಿ ಗ್ರಾಮ ಪಂಚಾಯಿತಿಯ ವರ್ಗ-1 ರಿಂದ 5 ಸಾವಿರ ರೂ. ಸಂಗ್ರಹ ಮಾಡಿರುವ ಬಗ್ಗೆ ಆಕ್ಷೇಪಣೆ ಕೇಳಿ ಬಂದಿದೆ. ಈ ಬಗ್ಗೆ ಮಾಜಿ ಸಚಿವ ಯಾವ‌ ಆಕ್ಷೇಪಣೆ ಇಲ್ಲವೆಂದು ಹೇಳಿದರೆ ಗ್ರಾಪಂ ಸದಸ್ಯ ಸರ್ಕಾರದ ಅನುದಾನ ಹಣ ತಂದು ಕ್ರೀಡಾಕೂಟ ನಡೆಸಬೇಕೆಂದು ಹೇಳಿಕೆ ನೀಡಿದ್ದಾರೆ.

ಈ ಕ್ರೀಡೋತ್ಸವಕ್ಕೆ ಎಲ್ಲಾ ಗ್ರಾಮ ಪಂಚಾಯಿತಿಯವರು ಹಣ ನೀಡಿ ಸಂತೋಷದಿಂದ ಸದಸ್ಯರು ಭಾಗಿಯಾಗಿದ್ದಾರೆ. ಆದರೆ, ಮಾಧ್ಯಮಗಳು ನೀವುಗಳೇ ಯಾವಾಗಲೂ ನಕರಾತ್ಮಕವಾಗಿ ಹೇಳುತ್ತೀರಿ. ಒಂದೊಳ್ಳೆ ಕೆಲಸವನ್ನ ಬೆಂಬಲಿಸಿ. ನಕರಾತ್ಮಕವಾಗಿ ಬಿಂಬಿಸೋದು ಸರಿಯಲ್ಲ ಎಂದು ಮಾಜಿ ಸಚಿವ ಕೆ.ಎಸ್.ಈಶ್ವರಪ್ಪ ಗರಂ ಆದರು.

ಆದರೆ ಹೊಸೂಡಿ ಗ್ರಾಮ ಪಂಚಾಯಿತಿ ಸದಸ್ಯ ಯುವರಾಜ್ ಮಾಧ್ಯಮಗಳಿಗೆ ಮಾತನಾಡಿ ವರ್ಗ-1 ರಲ್ಲಿ ಕ್ರೀಡಾಕೂಟಕ್ಕೆ ಹಣ ಸಂಗ್ರಹಿಸಲಾಗಿದೆ. ಸರ್ಕಾರದಿಂದ ಅನುದಾನ ತಂದು ಕ್ರೀಡಾಕೂಟ ನಡೆಸಲಿ ನಮ್ಮ ಆಕ್ಷೇಪಣೆ ಇಲ್ಲ. ಒಂದೊಂದು ಪಂಚಾಯಿತಿಯಿಂದ 15 ಸಾವಿರ ರೂ ಬಟ್ಟೆ ಖರೀದಿಗೆ ಖರ್ಚನ್ನ ಹಾಕಲಾಗಿದೆ.

ಪ್ರತಿದಿನ ಎದ್ದರೆ ಪಂಚಾಯಿತಿಯ ಮೋರಿ ಸ್ವಚ್ಛತೆಗೆ ಹಣವಿಲ್ಲ. ಕುಡಿಯುವ ನೀರಿನ ವ್ಯವಸ್ಥೆಯಿಲ್ಲ. ಆದರೆ ಹಣಸಂಗ್ರಹಕ್ಕೆ ಮತ್ತು ಬಟ್ಟೆ ಖರೀದಿ ಮಾಡಲು ಯಾವ ಗ್ರಾಮ ಪಂಚಾಯಿತಿಯಲ್ಲಿ ಸಭೆ ನಡೆಸಿ ಚರ್ಚೆ ನಡೆಸಿಲ್ಲ. ಆದರೆ ಏಕಾಏಕಿ ಈ ರೀತಿ ಸಂಗ್ರಹಿಸಲಾಗಿದೆ ಖಡ್ಡಾಯವಾಗಿ ಬರುವಂತೆ ಆದೇಶ ಮಾಡಲಾಗಿದೆ ಎಂದು ಆರೋಪಿಸಿದರು.

Spread the love

Soori

ಶಿವಮೊಗ್ಗ ಜಿಲ್ಲಾ ಸುದ್ದಿಗಳನ್ನ ಪ್ರಪಂಚಕ್ಕೆ ತಿಳಿಸುವ ಪ್ರಯತ್ನ ಸುದ್ದಿಲೈವ್ ನದು. ಪತ್ರಿಕೆ ಮತ್ತು ಟಿವಿ ಮಾಧ್ಯಮಗಳಿಗಿಂತ ವಿಭಿನ್ನ ಪ್ರಯತ್ನದಲ್ಲಿ ಪರ್ಯಾಯ ಮಾಧ್ಯಮವಾಗಿ ಪ್ರಕಟಿಸುವ ಸಣ್ಣಪ್ರಯತ್ನವೂ ಹೌದು! ದಯಮಾಡಿ ಹರಿಸಿ,ಬೆಂಬಲಿಸಿ

Related Articles

Leave a Reply

Your email address will not be published.

Back to top button