ಕ್ರೈಂ

ಗೃಹಪ್ರವೇಶ ಕಾರ್ಯಕ್ರಮ ಮುಗಿಸಿಕೊಂಡು ಬರುವಷ್ಟರಲ್ಲಿ ಕೈಚಳಕ ತೋರಿಸಿದ ಖದೀಮರು

ಸುದ್ದಿಲೈವ್. ಕಾಂ/ತೀರ್ಥಹಳ್ಳಿ

ಮನೆಗೆ ಕನ್ನ ಹಾಕಿರುವ ಕಳ್ಳರು ಭರ್ಜರಿಯಾಗಿಯೇ ಕೈಚಳಕ ತೋರಿದ್ದಾರೆ. ಗೃಹಪ್ರವೇಶಕ್ಕೆ ಹೋಗಿದ್ದ ವೇಳೆಯಲ್ಲಿ ಖದೀಮರು ಮನೆಯಲ್ಲಿದ್ದ ಆಭರಣಗಳನ್ನ ದೋಚಿಕೊಂಡು ಹೋಗಿದ್ದಾರೆ

ತೀರ್ಥಹಳ್ಳಿ ತಾಲೂಕಿನ ಹೊನ್ನೇಕಟ್ಟೆ ಗ್ರಾಮದಲ್ಲಿ ಮಂಜುನಾಥ್ ಎಂಬುವರು ಪತ್ನಿ ಜೊತೆ ಗೃಹಪ್ರವೇಶಕ್ಕೆ ಹೋಗಿ ಬರುವುದರೊಳಗೆ 250 ಗ್ರಾಂ ಬೆಳ್ಳಿ, 7 ಸಾವಿರ ನಗದು, 90 ಗ್ರಾಂ ತೂಕದ ಚಿನ್ನಾಭರಣ ಕಳವಾಗಿದೆ.

ಮಧ್ಯಾಹ್ನ 12 ಗಂಟೆಯ ವೇಳೆಗೆ ಗೃಹಪ್ರವೇಶಕ್ಕೆ ಹೋದ ಮಂಜುನಾಥ್ ಮಧ್ಯಾಹ್ನ 3 ಗಂಟೆಯ ವೇಳೆಗೆ ವಾಪಾಸಾಗಿದ್ದಾರೆ. ಮನೆಗೆ ಬಂದ ಮಂಜುನಾಥ್ ಗೆ ಶಾಕ್ ಆಗಿದೆಮನೆಯಮುಂಬಾಗಿಲಿಗೆ ಹಾಕಿದ ಚಿಲಕ ಮುರಿದುಹೋಗಿತ್ತು.

ಒಳಗೆ ಹೋಗಿ ನೋಡಿದಾಗ ಹಿಂಬಾಗಿಲು ತೆರೆದಿತ್ತು. ಕೋಣೆಯಲ್ಲಿದ್ದ ಬಟ್ಟೆ ಮತ್ತು ವಸ್ತುಗಳು ಚಿಲ್ಲಾಪಿಲ್ಲಿಯಾಗಿದೆ. ಬೀರುವಿನಲ್ಲಿದ್ದ 8 ಗ್ರಾಂನ ಎರಡು ಚಿನ್ನದ ಸರ, ಲಕ್ಷ್ಮೀ ಪೆಂಡೆಂಟ್, ಓಲೆ, ಮೂರು ಉಂಗುರ ಸೇರಿ ಒಟ್ಟು 3 ಲಕ್ಷದ 97 ಸಾವಿರದ ಚಿನ್ನಾಭರಣ,

7 ಸಾವಿರ ನಗದು ಮತ್ತು 250 ಗ್ರಾಂ ಬೆಳ್ಳಿಯನ್ನ ಕದ್ದರುವುದು ತಿಳಿದು ಬರುತ್ತಿದೆ. ಪ್ರಕರಣವನ್ನ ಮಂಜುನಾಥ್ ತೀರ್ಥಹಳ್ಳಿ ಪೊಲೀಸ್ ಠಾಣೆಯಲ್ಲಿ ದಾಖಲಿಸಿದ್ದಾರೆ.

Spread the love

Soori

ಶಿವಮೊಗ್ಗ ಜಿಲ್ಲಾ ಸುದ್ದಿಗಳನ್ನ ಪ್ರಪಂಚಕ್ಕೆ ತಿಳಿಸುವ ಪ್ರಯತ್ನ ಸುದ್ದಿಲೈವ್ ನದು. ಪತ್ರಿಕೆ ಮತ್ತು ಟಿವಿ ಮಾಧ್ಯಮಗಳಿಗಿಂತ ವಿಭಿನ್ನ ಪ್ರಯತ್ನದಲ್ಲಿ ಪರ್ಯಾಯ ಮಾಧ್ಯಮವಾಗಿ ಪ್ರಕಟಿಸುವ ಸಣ್ಣಪ್ರಯತ್ನವೂ ಹೌದು! ದಯಮಾಡಿ ಹರಿಸಿ,ಬೆಂಬಲಿಸಿ

Related Articles

Leave a Reply

Your email address will not be published.

Back to top button