ಶಿಕ್ಷಣ

ಆಯನೂರು ಸರ್ಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ಕಳ್ಳತನ

18 ಹೊಲಿಗೆ ಯಂತ್ರ, 1 ಎಂಬ್ರಾಯ್ಡ್ ಯಂತ್ರ, 2 ಓವರ್ ಲೂಪಿಂಗ್ ಯಂತ್ರ ಹಾಗೂ 1 ನೀಟ್ ಮಿಷನ್ 1 ಡಬಲ್ ಹ್ಯಾಂಡ್ ಮಿಷನ್ ಗಳು ಕಳವು

ಸುದ್ದಿಲೈವ್.ಕಾಂ/ಶಿವಮೊಗ್ಗ

ಆಯನೂರು ಸರ್ಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿರುವ ಕೊಠಡಿಯೊಂದರಲ್ಲಿ ಇರಿಸಲಾಗಿದ್ದ ಜೆಒಸಿ ಕೋರ್ಸ್ ಗೆ ಸಂಬಂಧ ಪಟ್ಟ 18 ಹೊಲಿಗೆ ಯಂತ್ರ, 1 ಎಂಬ್ರಾಯ್ಡ್ ಯಂತ್ರ, 2 ಓವರ್ ಲೂಪಿಂಗ್ ಯಂತ್ರ ಹಾಗೂ 1 ನೀಟ್ ಮಿಷನ್ 1 ಡಬಲ್ ಹ್ಯಾಂಡ್ ಮಿಷನ್ ಗಳು ಕಳುವುಗಿರುವುದು ಬೆಳಕಿಗೆ ಬಂದಿದೆ.

ಈ ಬಗ್ಗೆ ಕಾಲೇಜಿನ ಪ್ರಾಂಶುಪಾಲರಾದ ಚಂದ್ರಪ್ಪ ಎಸ್ ಗುಂಡಪಲ್ಲಿ ಎಂಬುವರು ಕುಂಸಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

1995 ರಿಂದ ಜೆಒಸಿ ಕೋರ್ಸ್ ಗಳನ್ನ ಕಾಲೇಜಿನಲ್ಲಿ ಆರಂಭಿಸಲಾಗಿತ್ತು. 2013-14ನೇ ಸಾಲಿನಲ್ಲಿ ಈ ಕೋರ್ಸ್ ನ್ನ ಕಾರಣಾಂತರದಿಂದ ಸ್ಥಗಿತಗೊಳಿಸಲಾಗಿತ್ತು. ಈ ಕೋರ್ಸ್ ಗೆ ಸಂಬಂಧಪಟ್ಟ ಹೊಲಿಗೆ ಯಂತ್ರ ಸೇರಿದಂತೆ‌ಇತರೆ ಉಪಕರಣಗಳನ್ನ ಪ್ರೌಢಶಾಲ ವಿಭಾಗದ ಪಕ್ಕದ‌ ಕೊಠಡಿಯಲ್ಲಿ ಸಂಗ್ರಹಿಸಿ ಬೀಗಹಾಕಲಾಗಿತ್ತು.

2019 ರಲ್ಲಿ ಪ್ರಾಂಶುಪಾಲರಾಗಿ ಚಂದ್ರಪ್ಪ ಎಸ್ ಗುಂಡಪಲ್ಲಿ ಪ್ರಾಂಶುಪಾಲರಾಗಿ ಕರ್ತವ್ಯ ಸ್ವೀಕರಿಸಿದ್ದು, ಅಧಿಕಾರವನ್ನ ಆಗಿನ ಜಗದೀಶ್ ಎಂಬ ಪ್ರಭಾರಿ ಪ್ರಾಂಶುಪಾಲರಿಂದ ಅಧಿಕಾರ ಸ್ವೀಕರಿಸಿದ್ದರು. ಈ ವೇಳೆಯಲ್ಲಿಯೇ ಜೆಒಸಿ ಕೋರ್ಸ್ ನ ಉಪಕರಣಗಳನ್ನ ಸಂಗ್ರಹಿಸಿ ಇಟ್ಟಿದ್ದ ಕೊಠಡಿ ಸುಸ್ಥಿತಿಯಲ್ಲಿರಲಿಲ್ಲವೆಂದು ಪ್ರಾಂಶುಪಾಲ ಗುಂಡಪಲ್ಲಿ ಎಫ್ಐಆರ್ ನಲ್ಲಿ ಉಲ್ಲೇಖಿಸಿದ್ದಾರೆ.

ಮೊನ್ನೆ ಈ ಉಪಕರಣಗಳು ಕಳುವಾಗಿರುವುದಾಗಿ ಉಪಪ್ರಾಂಶುಪಾಲರಾದ ಕುಮಾರ್ ಕೆ ಪ್ರಾಂಶುಪಾಲ ಚಂದ್ರಪ್ಪ ಎಸ್ ಗುಂಡಪಲ್ಲಿಗೆ ಮೊಬೈಲ್ ಕರೆ ಮೂಲಕ ವಿಷಯ ಮುಟ್ಟಿಸಿದ್ದಾರೆ. ಈ ಕೊಠಡಿ ಪ್ರಾಂಶುಪಾಲರ ಕೊಠಡಿಯಿಂದ ದೂರವಿದೆ ಎಂದು ಸಹ ದಾಖಲಿಸಲಾಗಿದೆ.

ಕೊಠಡಿಯ ಸರಳು ಮುರಿದು ಕೊಠಡಿಯಲ್ಲಿದ್ದ 18 ಹೊಲಿಗೆ ಯಂತ್ರ, 1 ಎಂಬ್ರಾಯ್ಡ್ ಯಂತ್ರ, 2 ಓವರ್ ಲೂಪಿಂಗ್ ಯಂತ್ರ ಹಾಗೂ 1 ನೀಟ್ ಮಿಷನ್ 1 ಡಬಲ್ ಹ್ಯಾಂಡ್ ಮಿಷನ್ ಗಳು ಕಳುವುಗಿದೆ. ಕಳುವಾದ ಉಪಕರಣಗಳು ಮತ್ತು ಕಳವು ಮಾಡಿದ ವ್ಯಕ್ತಿಯನ್ನ ಪತ್ತೆಹಚ್ಚಿಕೊಡುವಂತೆ ದೂರಿನಲ್ಲಿ ತಿಳಿಸಲಾಗಿದೆ.

Spread the love

Soori

ಶಿವಮೊಗ್ಗ ಜಿಲ್ಲಾ ಸುದ್ದಿಗಳನ್ನ ಪ್ರಪಂಚಕ್ಕೆ ತಿಳಿಸುವ ಪ್ರಯತ್ನ ಸುದ್ದಿಲೈವ್ ನದು. ಪತ್ರಿಕೆ ಮತ್ತು ಟಿವಿ ಮಾಧ್ಯಮಗಳಿಗಿಂತ ವಿಭಿನ್ನ ಪ್ರಯತ್ನದಲ್ಲಿ ಪರ್ಯಾಯ ಮಾಧ್ಯಮವಾಗಿ ಪ್ರಕಟಿಸುವ ಸಣ್ಣಪ್ರಯತ್ನವೂ ಹೌದು! ದಯಮಾಡಿ ಹರಿಸಿ,ಬೆಂಬಲಿಸಿ

Related Articles

Leave a Reply

Your email address will not be published.

Back to top button