ತಾಲ್ಲೂಕು ಸುದ್ದಿ

ನಿರ್ಮಿತಿ ಕೇಂದ್ರ ಮತ್ತು ಎಪಿಎಂಸಿ ಕಾಮಗಾರಿಯಲ್ಲೂ ಭ್ರಷ್ಠಾಚಾರ-ಹೆಚ್.ಎಸ್.ಸುಂದರೇಶ್ ಆರೋಪ

ಸುದ್ದಿಲೈವ್.ಕಾಂ/ಶಿವಮೊಗ್ಗ

ಶಿವಮೊಗ್ಗ ಜಿಲ್ಲಾಧಿಕಾರಿ ಕಚೇರಿಯ ಕಟ್ಟಡದಲ್ಲಿರುವ ನಿರ್ಮಿತಿ ಕೇಂದ್ರ ನಾಗರಾಜ್ ವಿರುದ್ಧ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಹೆಚ್.ಎಸ್.ಸುಂದರೇಶ್ ಭ್ರಷ್ಠಾಚಾರದ ಆರೋಪ ಮಾಡಿದ್ದಾರೆ.‌

ಅವರು ಪಕ್ಷದ ಕಚೇರಿಯಲ್ಲಿ ಸುದ್ದಿಗೋಷ್ಠಿ ನಡೆಸಿ, ಕಳೆದ 15 ವರ್ಷದಿಂದ ನಾಗರಾಜ್ ನಿರ್ಮಿತಿ ಕೇಂದ್ರದಲ್ಲಿ ಇದ್ದಾರೆ. ಈ ನಿರ್ಮಿತಿ ಕೇಂದ್ರದಿಂದ ಕಟ್ಟಲಾಗುವ ಕಟ್ಟಡಗಳನ್ನ ಸರ್ಕಾರ ಮತ್ತು ಖಾಸಗಿ ಸಹಭಾಗಿತ್ವದಲ್ಲಿ ಕಾಮಗಾರಿ ನಡೆಯಬೇಕು ಎಂಬ ನಿಯಮವಿದೆ.

ಆದರೆ ನಿರ್ಮಿತಿ ಕೇಂದ್ರದಿಂದ ಕಟ್ಟಲಾಗುವ ಕಟ್ಟಡಗಳನ್ನ ನಿರ್ಮಿತಿ ಕೇಂದ್ರವೆಂದು ತೋರಿಸಲಾಗುತ್ತದೆ. ಇಲ್ಲಿ ಕಟ್ಟಡ ಕಾಮಗಾರಿ ನಿರ್ಮಾಣಕ್ಕೆ ಯಾವ ಮಿಷಿನರಿಗಳೇ ಇರುವುದಿಲ್ಲ. ಆದರೂ ಎಲ್ಲಾ ರಾಜಕೀಯ ಪಕ್ಷಗಳ ಜೊತೆ ಅಡ್ಜೆಸ್ಟ್ ಮೆಂಟ್ ನಡೆಸಿ 35-40% ಕಮಿಷನ್ ಲೆಕ್ಕಚಾರದಲ್ಲಿ ಕಾಮಗಾರಿ ನಡೆಯುತ್ತವೆ ಎಂದು ಆರೋಪಿಸಿದರು.

ಎಪಿಎಂಸಿಯಲ್ಲೂ ಭ್ರಷ್ಠಾಚಾರ

ಸರ್ಕಾರದಲ್ಲಿ ವ್ಯಾಪಕ ಭ್ರಷ್ಠಾಚಾರವಿದೆ. ಶಿವಮೊಗ್ಗ ಎಪಿಎಂಸಿಯಲ್ಲಿ ವಾಣಿಜ್ಯ ಮಳಿಗೆಗೆ ಕಾಮಗಾರಿಗೆ ಟೆಂಡರ್ ಕಾಮಗಾರಿಯಲ್ಲಿಯೂ ಅಧಿಕ ಹಣ ಬಿಡುಗಡೆ ಮಾಡಿ ಭ್ರಷ್ಠಾಚಾರ ನಡೆಸಲಾಗುತ್ತಿದೆ ಎಂದು ಸಹ ಹೆಚ್.ಎಸ್. ಸುಂದರೇಶ್ ಅರೊಪಿಸಿದ್ದಾರೆ.

ಶಿವಮೊಗ್ಗದ ಸಾಗರ ರಸ್ತೆಯಲ್ಲಿರುವ ಎಪಿಎಂಸಿ ವಾಣಿಜ್ಯ ಮಳಿಗೆಗಳ ಕಟ್ಟಡದ ಮಳಿಗೆಗಳಿಗೆ 10 ಕೋಟಿ ರೂ.ಮೊತ್ತದ ಕಾಮಗಾರಿಯಾಗಿದ್ದು 10 ಅಡಿ ಕಟ್ಟಡ ಇನ್ನೂ ಏರೇ ಇಲ್ಲ ಆಗಲೇ. 2 ಕೋಟಿ ರೂ ಹಣ ವರ್ಕ್ ಶಿಪ್ ಬಿಡುಗಡೆ ಮಾಡಲಾಗಿದೆ. ಎಪಿಎಂಸಿಯ ವಿಜಯ‌ಕುಮಾರ್ ಮತ್ತು ಪ್ರಸಾದ್ ಎಂಬ ಅಧಿಕಾರಿಗಳ ಶಾಮೀಲಾಗಿರುವ ಆರೋಪವಿದೆ. ಪಕ್ಷ ಇದರ ವಿರುದ್ಧ ಹೋರಾಡಲಿದೆ ಎಂದರು.

ಸಾಗರ ಮುಖ್ಯ ರಸ್ತೆಯ ಮತ್ತೊಂದು ವಾಣಿಜ್ಯ ಸಣ್ಣ ಮಳಿಗೆಗಳಿಗೆ 3-50 ಕೋಟಿ ರೂ.ವಿನ ಕಾಮಗಾರಿ ಇದ್ದು, ಇದಕ್ಕೆ 75 ಲಕ್ಷ ರೂ ಬಿಡುಗಡೆ ಮಾಡಲಾಗುತ್ತಿದೆ. ತೀರ್ಥಹಳ್ಳಿಯ ಎಪಿಎಂಸಿಯಲ್ಲಿಯೂ ವಾಣಿಜ್ಯ ಮಳಿಗೆ ಕಾಮಗಾರಿಯ 10 ಕೋಟಿ ರೂ.ಗೆ ಪ್ರತಿ ಕಾಮಗಾರಿಗೆ ವರ್ಕ್ ಶಿಪ್ ಆಗಿ 1 ಕೋಟಿ ಬಿಡುಗಡೆ ಆಗಿದೆ.

ಇದನ್ನ ಗುಲ್ಬರ್ಗ ಗುತ್ತಿಗೆದಾರನಿಗೆ ನೀಡಲಾಗಿದೆ. ಇದನ್ನ ಎಪಿಎಂಸಿ ಬೆಂಗಳೂರಿನ ಎಸ್ ಇ ಮೊನ್ಬೆ ವಿಸಿಟ್ ಮಾಡಿ ಅನುಮೋದನೆ ನೀಡಿ ಹೋಗಿದ್ದಾರೆ. ಇದಕ್ಕೆ ಜಿಲ್ಲಾಧಿಕಾರಿಗಳು ಮಧ್ಯಪ್ರವೇಶಿಸಬೇಕು.ಕಾಮಗಾರಿ ಸ್ಥಗಿತಗೊಳಿಸಬೇಕು ಎಂದು ಆಗ್ರಹಿಸಿದರು.‌ ಪಕ್ಷ ಎಸಿಬಿಗೆ ಈ ಬಗ್ಗೆ ದೂರು ನೀಡಲಾಗುತ್ತಿದೆ. ಪ್ರತಿ ಇಲಾಖೆಯಲ್ಲಿ ಭ್ರಷ್ಠಾಚಾರ ನಡೆಸಲಾಗುತ್ತಿದೆ ಎಂದರು.

ಏನಿದು ವರ್ಕ್ ಶಿಪ್

ಕ್ವಾಂಟಿಟಿ ಎಕ್ಸೆಸ್ ಗೆ ಹಣ ಬಿಡುಗಡೆ ಆಗಬೇಕೆಂಬ‌ ನಿಯಮವಿದೆ. ಇದನ್ನ ವರ್ಕ್ ಶಿಪ್ ಎಂದು ಕರೆಯಲಾಗುತ್ತದೆ. ಉದಾಹರಣೆಗೆ ಒಂದು ಅಡಿ ಕಟ್ಟಡ ಏರಿಸಲು ವರ್ಕ್ ಶಿಪ್ ಹಣದಿಂದ ಕಾಮಗಾರಿಯ ಹೆಚ್ಚುವರಿ ಹಣ ನೀಡಲಾಗುತ್ತದೆ. ಆದರೆ 10 ಕೋಟಿ ರೂ. ಅನುನೋದನೆ ಕಾಮಗಾರಿ ಇದ್ದರೆ. ವರ್ಕ್ ಶಿಪ್ ಹಣವನ್ನ ಹೆಚ್ಚುವರಿ ಮಾಡಿಕೊಂಡು ಕಾಮಗಾರಿ ಆರಂಭದ ಹಂತದಲ್ಲಿ ಬಿಡುಗಡೆ ಮಾಡಿಕೊಳ್ಳಲಾಗುತ್ತಿದೆ. ಇದನ್ನ ಕೊನೆಯಲ್ಲಿ ಬಿಡುಗಡೆ ಮಾಡಿಕೊಳ್ಳಬೇಕು ಎಂದು ವಿವರಿಸಿದರು.

Spread the love

Soori

ಶಿವಮೊಗ್ಗ ಜಿಲ್ಲಾ ಸುದ್ದಿಗಳನ್ನ ಪ್ರಪಂಚಕ್ಕೆ ತಿಳಿಸುವ ಪ್ರಯತ್ನ ಸುದ್ದಿಲೈವ್ ನದು. ಪತ್ರಿಕೆ ಮತ್ತು ಟಿವಿ ಮಾಧ್ಯಮಗಳಿಗಿಂತ ವಿಭಿನ್ನ ಪ್ರಯತ್ನದಲ್ಲಿ ಪರ್ಯಾಯ ಮಾಧ್ಯಮವಾಗಿ ಪ್ರಕಟಿಸುವ ಸಣ್ಣಪ್ರಯತ್ನವೂ ಹೌದು! ದಯಮಾಡಿ ಹರಿಸಿ,ಬೆಂಬಲಿಸಿ

Related Articles

Leave a Reply

Your email address will not be published.

Back to top button